Ցեղասպանության մասին պատմող «Խոստումը» ֆիլմի դերսանուհի Անժելա Սարաֆյանը ներկայացրել է իր ընտանիքի պատմությունը (տեսանյութ)

Երջանկահիշատակ Քըրք Քըրքորյանի նախաձեռնությամբ նկարահանված «Խոստումը» ֆիլմի դերասանուհի Անժելա Սարաֆյանը ներկայացրել է իր ընտանիքի պատմությունը:

Տեսանյութի սկզբում Հոլիվուդի հայազգի դերասանուհին ներկայացրել է իր մորական տատի ընտանիքի լուսանկարը, որում պատկերված են ընտանիքի բոլոր անդամները: Անժելայի մայրը 5 երեխաներից 4-րդն է եղել, իսկ տատիկը Ցեղասպանության որբերից է եղել:

«Պապիկիս նա հանդիպել է Սիրիայի Հալեպ քաղաքում, որտեղ էլ պատկերվել է այս լուսանկարը: Այնտեղից նրանք տեղափոխվել են Հայաստան, սակայն երբեք իրենց տունը չեն ունեցել: Նրանք այն մարդկանցից էին, որ անգամ Հայաստանն այն ժամանկ իրենց տունը չդարձավ: Ցավոք, նրանք շատ փորձություններ են ստիպված եղել հաղթահարել գոյատևելու համար: Եվ այն, ինչ ես սովորել եմ որպես հայ կին, եկել է տատիկիցս և մայրիկիցս, այն սերն ու ջերմությունը որն ստացել եմ այս տանը` մեծանալով Լոս Անջելեսում», - պատմում է դերասանուհին:

#ThePromiseFilm actress @AngelaSarafyan sharing her family's story–share your story and promise to #NeverStaySilent https://t.co/aGo3iNcAYM pic.twitter.com/mLj9IJ5NJj

— The Promise (@thepromisefilm) March 16, 2017