Կարագանդայում կտեղադրեն Վիկտոր Ցոյի հուշարձանը

Ղազախստանի Կարագանդա քաղաքում ցանկանում են տեղադրել ռոք երաժշիտ Վիկտոր Ցոյի հուշարձանը: Այս մասին հաղորդում է Lenta.ru-ն` հղում անելով քաղաքային վարչության մամլո ծառայությանը:

Հաղորդվում է, որ քաղաքային իշխանությունները հուշագիր են ստորագրել քաղաքի հրապարակում ծրագրի իրականացման մասին:  

«Նախագծի ավարտական հատվածը կդառնա Հայտնի երգիչ, երաժիշտ, դերասան Վիկտոր Ցոյի հուշարձանի տեղադրումը», - ասվում է մամլո ծառայության հաղորդագրության մեջ:

Վիկտոր Ցոյը ռուսական «Կինո» խմբի հիմնադիրն ու մեներգիչն է եղել: Երաժիշտը մահացել է ավտովթարից 1990 թվականին` 28 տարեկան հասակում: