Իտալացի աստղաֆիզիկոսը ստեղծում է մոլորակների տեսքով բացառիկ լամպեր (լուսանկարներ)

Մեզնից միայն ընտրյալներին է բախտ վիճակվում հայտնվել տիեզերքում ու անձամբ տեսնել անհունի առեղծվածային անկյունները: Սակայն դա չի նշանակում, որ մենք չենք կարող տիեզերքն «իջեցնել» մեզ մոտ:

Այս կարծիքին է իտալացի աստղաֆիզիկոս Մարիան (ազգանունը չի նշվում), որը ստեղծում է բացառիկ լամպեր՝ Արեգակնային համակարգի մոլորակների ու Լուսնի պատկերով:

Ինչպես նշում է boredpanda.com կայքը, Մարիան աշխատանքներից ամեն մեկը նկարազարդում է ձեռքով՝ իրար վրա նկարելով պատկերների մի քանի շերտ:

Մարիայի խոսքով՝ նմուշներից յուրաքանչյուրը ստեղծելու համար պահանջվում է մի քանի ժամ. Լուսնի համար՝ 4-6, իսկ մոլորակների համար շատ ավելի երկար ժամանակ: