Եղանակն՝ այսօր
«Եվրատեսիլի» կազմակերպիչներն առաջարկել են հեռարձակել ռուս երգչուհու ելույթը
Եվրոպական հեռարձակողների միությունն Առաջին ալիքին առաջարկել է հեռարձակել Ռուսաստանի ներկայացուցիչ Յուլյա Սամոյլովայի ելույթը, որպեսզի նա հնարավորություն ունենա մասնակցել «Եվրատեսիլ-2017» համաեվրոպական երգի մրցույթին: Այս մասին ասվում է մրցույթի կայքում հրապարակված հայտարարությունում:
«ԵՀՄ-ն ջանասիրաբար աշխատել է այս իրավիճակի լուծումը գտնելու ուղղությամբ և աննախադեպ որոշում ընդունել. Առաջին ալիքին առաջարկել արբանյակի միջոցով ուղիղ հեռարձակում ապահովել երկրորդ կիսաեզրափակչից, որպեսզի Յուլյան հնարավորություն ունենա այս տարի մասնակցել մրցույթին», - ասվում է հաղորդագրության տեքստում:
Նշվում է, որ Առաջին ալիքը դեռ չի մեկնաբանել այդ տեղեկությունը:
Հիշեցնենք, որ Ուկրաինայի անվտանգության ծառայությունը (ՈՒԱԾ) արգելել է «Եվրատեսիլ-2017» համաեվրոպական երգի մրցույթում Ռուսաստանը ներկայացնող Յուլյա Սամոյլովայի մուտքը երկիր:
Studio One