Ռուս հայտնի երգիչ Նիկոլայ Նոսկովը ծանր վիճակում տեղափոխվել է հիվանդանոց

Ռուս հայտնի երգիչ Նիկոլայ Նոսկովը ծանր վիճակում տեղափոխվել է հիվանդանոց, բժիշկներին հաջողվել է կայունացնել նրա վիճակը: Այդ մասին հայտնում է «ՌԻԱ Նովոստի»-ն՝ վկայակոչելով երգչի մամուլի ծառայությանը:

«Իրականացված հետազոտության արդյունքներով՝ բժիշկները նրան պատրաստում են պարանոցի հատվածում տրոմբի հեռացման վիրահատության»,- ասված է մամուլի ծառայության հայտարարությունում: Ինտենսիվ թերապիայի կուրսը Նոսկովն անցնում է «Լապինո» հիվանդանոցում:

Երգչի առաջիկա համերգները նախատեսված են ապրիլի վերջին: Արդյոք դրանք կհետաձգվեն՝ դեռ հայտնի չէ: