Ալեք Բոլդուինը կրկին նմանակել է Թրամփին (տեսանյութ)

Հոլիվուդյան հայտնի դերասան Ալեք Բոլդուինը, չնայած այն հայտարարություններին, որ դադարեցնում է ԱՄՆ նախագահ Դոնալդ Թրամփի կերպարով ելույթ ունենալը, կրկին նմանակել է երկրի նախագահին ամերիկյան Saturday Night Live երգիծական հեռուստաշոուի ժամանակ, գրում է The Washington Post-ը։

Հաղորդման հումորային դրվագում Թրամփի կերպարով ներկայացած Բոլդուինը «հայտնվել» է ամերիկյան Կենտուկի նահանգի բնակիչների առաջ, որտեղ նախագահի կողմից իրականացվող  քաղաքականությունը, ինչպես գրում է թերթը, կարող է «բացասաբար ազդել աշխատաշուկայի և բժշկության վրա»։

Հիշեցնենք, որ մինչ ԱՄՆ-ում նախագահական ընտրությունների կայացումը, հոլիվուդյան դերասանը NBC հեռուստաալիքի Saturday Night Live երգիծական շոուի կեղծ հեռուստաբանավեճերի ժամանակ նմանակել էր այն ժամանակ նախագահի թեկնածու Թրամփին։