Ուիլ Սմիթին առաջարկել են Ջինի դերը խաղալ դիսնեյյան «Ալադին»-ում

Ամերիկացի դերասան Ուիլ Սմիթին առաջարկել են Ջինի դերը խաղալ դիսնեյյան «Ալադինի» լիամետրաժ տարբերակում: Այս մասին հայտնում է Entertainment Weekly-ն:

Աղբյուրի տվյալների համաձայն` Սմիթի բանակցությունները Disney կինոստուդիայի հետ գտնվում են վաղ փուլում:

Նշվում է, որ ֆիլմի ռեժիսոր է դարձել Գայ Ռիչին, որը հայտնի է «Խաղաթղթեր, փող, երկու հրացան», «Մեծ խաղագումար», «Շերլոկ Հոլմս» և այլ ֆիլմերի շնորհիվ:

Հայտնի է, որ «Ալադին» անիմացիոն ֆիլմը թողարկվել է 1992 թվականին: Այն ժամանակ Ջինին հնչյունավորել է Ռոբին Ուիլյամսը, ինչը և ապահովել է ֆիլմի հաջողությունը: