Էլթոն Ջոնը վերակենդանացման բաժանմունքում է հայտնվել՝ հազվագյուտ հիվանդության պատճառով

Լեգենդար երգիչ Էլթոն Ջոնը մի քանի օր վերակենդանացման բաժանմունքում է անցկացրել՝ հազվագյուտ վարակիչ հիվանդության հետևանքով, հաղորդում է Reuters գործակալությունը`հղում կատարելով երգչի ներկայացուցչին:

Ըստ նրա՝ Ջոնը հիվանդացել է Հարավային Ամերիկայից Միացյալ Թագավորություն թռիչքի ընթացքում: 

«Վարակի այս տեսակը հազվագյուտ է և ճակատագրական», - ասել է ներկայացուցիչը:

Նշվում է, որ հիվանդության հետ կապված Էլթոն Ջոնը չեղյալ է հայտարարել բոլոր համերգները ապրիլ-մայիս ամիսներին նախատեսված:

Հիշեցնենք, որ մարտի 25-ին երգիչը տոնել է իր ծննդյան 70-ամյակը: