«Կանայք, որոնք աշխատում են». Իվանկա Թրամփը նոր գիրք է գրել

ԱՄՆ նախագահ Դոնալդ Թրամփի ավագ դուստրը` Իվանկա Թրամփը, նոր գիրք է թողարկել, այս մասին հայտնում է Associated Press-ը: 

«Կանայք, որոնք աշխատում են. վերաշարադրելով հաջողության հասնելու կանոնները» վերնագրով գրքում Իվանկան խորհուրդներ է տալիս՝ ինչպես հավասարակշռություն գտնել գործնական ու ընտանեկան կյանքի միջև:

Իվանկա Թրամփի առաջին` «Հաղթաթուղթ. ինչպես շահել բիզնեսում և կյանքում» գիրքը հրատարակվել էր 2009թ.-ին:

Իր նոր գրքում Իվանկան կիսվում է կանանց հետ խորհուրդներով առ այն, թե ինչպես ճիշտ բաշխել ժամանակը և ապրել ավելի նպատակային կյանքով:

Ավելի վաղ մամուլում հայտնվել էին լուրեր, որ ԱՄՆ նախագահի դուստրը հրաժարվել է գրքի վերաբերյալ պրոմոտուրերից և այլ գովազդային արշավներից: