Կիթառահար Բրյուս Հեմփթոնը մահացել է իր 70-ամյակին նվիրված համերգի ժամանակ

Հայտնի կիթառահար, Hampton Grease Band ռոք խմբի հիմնադիր Բրյուս Հեմփթոնը սրտի կաթված է ստացել մայիսի 1-ին ԱՄՆ Ջորջիա նահանգի Ատլանտա քաղաքում իր 70-ամյակին նվիրված համերգի ժամանակ, գրում է BBC-ի ռուսական ծառայությունը:

Երաժիշտն իրեն վատ է զգացել Fox Theater-ի բեմին:

Կիթառահարը սրտի կաթված է ստացել «Turn on Your Lovelight» երգի բիս կատարման ժամանակ:

Կաթվածից րոպեներ անց դեռ Հեմփթոնը մնացել է բեմի վրա, քանի որ նրա հետ նվագող երաժիշտները կարծել են, թե նա նախապես պլանավորած հնարք է ցուցադրում:

Հեմփթոնը սկսել է իր կարիերան՝ հանդես գալով լեգենդար Ֆրենկ Զապպայի հետ:

Իր 50-ամյա կարիերայի ընթացքում նա ավելի քան 20 ձայնապնակ է թողարկել: