Ֆրանսիայի նախագահն Առնոլդ Շվարցենեգերին Պատվո լեգեոնի շքանշան է շնորհել (լուսանկարներ, տեսանյութ)
Հոլիվուդյան մարտաֆիլմերի աստղ Առնոլդ Շվարցենեգերը, որը նախկինում զբաղեցրել է Կալիֆոռնիայի նահանգապետի պաշտոնը, պարգևատրվել է Ֆրանսիայի բարձրագույն շքանշանով:
Ինչպես նշում է The Daily Mail-ը, Շվարցենեգերը Ֆրանսիայի նախագահ Ֆրանսուա Օլանդի ձեռքից ստացել է Պատվո լեգեոնի շքանշան: Հայտնի է, որ պարգևը շնորհվել է Ելիսեյան պալատում կազմակերպված հատուկ միջոցառման շրջանակում:
Աղբյուրը մանրամասնում է, որ դերասանը պարգևատրվել է շրջակա միջավայրի պահպանության բնագավառում ունեցած ներդրման համար:
Ավելի ուշ Շվարցենեգերը սոցցանցերից մեկում շնորհակալություն է հայտնել Օլանդին իր կատարած աշխատանքը գնահատելու համար:












