Հռոմի կենտրոնը կարող է զրկվել ՅՈւՆԵՍԿՕ-ի Համաշխարհային ժառանգության օբյեկտի կարգավիճակից

Շրջակա միջավայրի վերահսկման և սպառողների իրավունքների պաշտպանության իտալական Codacons միությունը դիմել է ՅՈւՆԵՍԿՕ-ին` Հռոմը համաշխարհային ժառանգության օբյեկտի կարգավիճակից ժամանակավորապես զրկելու խնդրանքով:

Ինչպես նշում է Euromag-ը, դիմումի պատճառը իտալական մայրաքաղաքի ողբալի իրավիճակն է:

«Հռոմի պատմական կենտրոնը ՅՈւՆԵՍԿՕ-ի Համաշխարհային ժառանգության ցանկում ներառվել է 1980 թվականին, սակայն վիճակագրական տվյալների համաձայն`միայն 14-րդ տեղն է զբաղեցնում այցելող զբոսաշրջիկների քանակով: Համաշխարհային ժառանգության բոլոր օբյեկտների պահպանումը պետք է համապատասխանի հուշարձանների պահպանման պահանջներին: Աղբի մեջ կորած Հռոմը չի համապատասխանում այդ պահանջներին, ինչը ենթադրում է քաղաքի բացառումը մշակութային ժառանգության օբյեկտենրի ցանկից», - ասվում է իտալական միության հայտարարության մեջ:

Միությունը ՅՈւՆԵՍԿՕ-ին կոչ է անում անհապաղ վերահսկել Հռոմի կենտրոնում տիրող իրավիճակը: