ԱԺ-ն մերժեց «Ելք»–ի առաջարկը. խորհրդարանը 9 մշտական հանձնաժողով կունենա

16:09 • 19.05.17

Ազգային ժողովը քվեարկության դրեց «ՀՀ Ազգային ժողովի վեցերորդ գումարման մշտական հանձնաժողովներ ստեղծելու մասին» ՀՀ ԱԺ որոշման նախագծի երկու տարբերակը՝ ՀՀԿ-ի և «Ելք» դաշինքի: 

ՀՀԿ-ն նախատեսում է ԱԺ մշտական հանձնաժողովների քանակը կրճատել՝ նախկինում առկա 12 հանձնաժողովի փոխարեն առաջարկելով 9 հանձնաժողով: «Ելք» դաշինքի առաջարկությունն էր, որ ԱԺ-ն ունենա 10 մշտական հանձնաժողով և պահպանի Մարդու իրավունքների հանձնաժողովը, որը կղեկավարեն իրենք:

Առաջինը քվեարկության դրվեց ԱԺ մեծամասնության նախագիծը, որն ընդունվեց ձայների 64 կողմ, 9 դեմ, 4 ձեռնպահ համամասնությամբ:

«Ելք» դաշինքի առաջարկին կողմ քվեարկեց 30 պատգամավոր, դեմ 0, ձեռնպահ 1: