Երկվորյակ բրազիլուհիներն իրենց 100-ամյակի առթիվ ինքնատիպ ֆոտոսեսիայի են մասնակցել (լուսանկարներ)
Երկվորյակ քույրեր Մարիա Պիգնատոն Պոնտինն ու Պաուլինա Պիգնատոն Պանդոլիֆին շուտով կդառնան 100 տարեկան: Այս կապակցությամբ արդեն զառամյալ, սակայն դեռևս ավյունով լի քույրերը մասնակցել են ինքնատիպ ֆոտոսեսիայի՝ ներկայանալով ռոմանտիկ կերպարներով:
Ինչպես նշում է Bored Panda-ն, քույրերը բնակվում են բրազիլական Վիտորիա քաղաքում:
Ֆոտոշարքի հեղինակ՝ լուսանկարչուհի Կամիլա Լիման պատմել է, որ վաղուց գիտեր այս քույրերի մասին, և նրանց 100-ամյակին ընդառաջ որոշել է հետաքրքիր անակնկալ մատուցել:
«Նրանք իսկապես հմայիչ են ու անկեղծ: Կյանքումս առաջին անգամ էի այսքան ծեր երկվորյակների հանդիպում: Նրանք արժանի են այս ուրախությանը: Ֆոտոսեսիան իրոք շատ լավ անցավ»,-նշել է լուսանկարչուհին:






















