Երևանում Mercedes G500 մեքենայով վարորդը վրաերթի է ենթարկել հետիոտնին. բժիշկները պայքարում են հետիոտնի կյանքի համար. shamshyan.com

01:48 • 22.05.17

Մայիսի 21-ին, վրաերթ է տեղի ունեցել Երևանում: Ժամը 02:00-ի սահմաններում Էջմիածին քաղաքի բնակիչ, 32-ամյա Վլադիմիր Մանվելյանը Իսակով և Բաբաջանյան փողոցների հատման վայրում՝ Բաբաջանյան 120 հասցեի դիմաց, իր վարած Mercedes G500 մակնիշի 88 DD 500 համարանիշի ավտոմեքենայով վրաերթի է ենթարկել ինքնությունը չպարզված, մոտ 35-45 տարեկան տղամարդու:


Ինչպես հայտնում է shamshyan.com-ը, վարորդը փախուստի չի դիմել, իսկ վրաերթի ենթարկվածը ծայրահեղ ծանր վիճակում տեղափոխվել է Աստղիկ բժշկական կենտրոն: