«Փոքր Մհեր» ռազմական կրթահամալիրի մոտակա այգում նռնակ է հայտնաբերվել՝ պայթուցիչները մոտակայքում
Մայիսի 22-ին, ժամը 15:43-ին ՀՀ ԱԻՆ ահազանգ է ստացվել, որ Կոտայքի մարզի Քանաքեռավան գյուղի «Փոքր Մհեր» ռազմական կրթահամալիրի մոտակա այգում նկատվել է նռնակ. անհրաժեշտ է օգնություն:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և ՔՊՎ ՔՊ ուժերի հավաքական կենտրոնի ինժեներասակրավորական խումբը:
Հայտնաբերվել է «F1» տեսակի 3 նռնակ՝ առանց պայթուցիչի (պայթուցիչները եղել են մոտակայքում):
Փրկարարները սահմանազատել են տարածքը և իրականացրել հերթապահություն` մինչ սակրավորական խմբի մոտենալը:
Ոստիկանության բաժնի աշխատակիցները նռնակները տեղափոխել են անվտանգ տարածք:










