Սաուդյան Արաբիայի անապատում ծարավ օձին ջուր են խմեցրել ներարկչից (տեսանյութ)

12:54 • 22.05.17

Համացանցում տարածվել է տեսանյութ, որում երևում է՝ ինչպես է ծարավ օձը ջուր խմում սովորական ներարկչից:

Ինչպես նշում է The Daily Mail-ը, միջադեպը տեղի է ունեցել Սաուդյան Արաբիայի Ռուբ էլ Խալի անապատում, որտեղ օդի ջերմաստիճանը միջինը 40-50 աստիճան է:

Տեսանյութում երևում է, թե ինչպես է օձն ագահորեն խմում ներարկչից թափվող ջրի կաթիլները, իսկ երբ հագենում է, հանգիստ հեռանում է:

Հիշեցնենք, որ ավելի վաղ նմանատիպ դեպք էր տեղի ունեցել Հնդկաստանի գյուղերից մեկում, որտեղ ծարավից տանջվող կոբրան ջուր գտնելու հույսով հասել էր մարդկանց մոտ: