Կամչատկայում Շիվելուչ հրաբուխը 6 կիլոմետրանոց մոխրի սյուն է արտանետել

12:57 • 23.05.17

Կամչատկա թերակղզու Շիվելուչ հրաբուխն արտանետել է մոխիր՝  ծովի մակարդակից 6 կիլոմետր բարձրության վրա: Այս մասին հայտնում է РИА Новости-ն՝ հղում անելով ՌԴ գիտությունների ակադեմիայի երկրաֆիզիկական ծառայության Կամչատկայի մասնաճյուղին:

«Երեքշաբթի Շիվելուչ հրաբխից տեղի է ունեցել մոխրի արտանետում, որի բարձրությունը կազմել է մինչև 6 կիլոմետր: Հրաբխի բարձրությունը 3.283 մետր է», - ասվում է ծառայության հաղորդագրության մեջ:

Նշվում է, որ հաշվի առնելով քամու ուղղությունը՝ մոխիրը տարածվել է հրաբխից հարավ-արևելյան ուղղությամբ: