Մանչեսթերի պայթյունից հետո բրիտանացիների անվտանգությունը կապահովեն զինվորականները
Մեծ Բրիտանիայի ներքին գործերի նախարար Էմբեր Ռեդը հաստատել է, որ բրիտանական քաղաքների փողոցներում մինչև 3800 զինվորական կտեղակայվի, քանի որ վարչապետ Թերեզա Մեյը գործնականում սկսել է Temperer անունն ստացած արշավի առաջին փուլը, որը նախատեսում է զինվորականներին ներգրավել երկրի անվտանգության ապահովման գործում:
Ինչպես հաղորդում է BBC-ն, զինվորականներն այս ընթացքում չեն ստանձնի զինված ոստիկանության պարտականությունները, այլ միայն կօգնեն օրինապահներին իրականացնել իրենց ծառայությունը:
Մեյի խոսքով` ոստիկանության ղեկավարությունն ինքնուրույն կորոշի, թե որտեղ է պետք զինվորականների աջակցությունը, սակայն նշվում է, որ նրանք, ամենայն հավանականությամբ, կապահովեն զբոսաշրջային կենտրոնների, օդանավակայանների և այլ տրանսպորտային հանգույցների, ինչպես նաև խոշոր մարզական միջոցառումների անվտանգությունը:
Մասնավորապես, նրանք ներկա կլինեն Անգլիայի գավաթի եզրափակիչ հանդիպմանը, որը կկայանա հանգստյան օրերին «Ուեմբլի» մարզադաշտում:
Հայտնի է դարձել, որ զինվորականներն արդեն ծառայություն են իրականացանում Վեստմինստերյան պալատում:










