Դուբայի «Բուրջ Խալիֆա» և աշխարհի մյուս հայտնի շինությունները լուսավորվել են Մեծ Բրիտանիայի դրոշի գույներով (լուսանկարներ)
Աշխարհի տարբեր երկրներ իրենց համերաշխությունն են հայտնել Մեծ Բրիտանիային մայիսի 22-ի երեկոյան Մանչեսթեր քաղաքի «Արենա» մարզահամերգային համալիրում տեղի ունեցած և 22 մարդու կյանք խլած ահաբեկչությունից հետո:
Ինչպես նշում է The Daily Mail-ը, աշխարհի տարբեր անկյուններում կառուցված հայտնի շինությունները լուսավորվել են Միացյալ Թագավորության դրոշի՝ «Յունիոն Ջեքի» գույներով:
Մեծ Բրիտանիային իրենց համերաշխությունը հայտնած երկրների թվում են Արաբական Միացյալ Էմիրությունները, Ֆրանսիան, ԱՄՆ-ն, Խորվաթիան, Շվեյցարիան:
Ինչպես ավելի վաղ հայտնել էր Tert.am-ը, Մեծ Բրիտանիան բարձրացրել է ահաբեկչական սպառնալիքի մակարդակը լուրջից մինչև ծայրահեղ, ինչի մասին հայտարարել է երկրի վարչապետ Թերեզա Մեյը:
Նա հայտնել է, որ զինվորականները՝ ոստիկանության հրամանատարությամբ, ապահովելու են անվտանգությունը խոշոր միջոցառումների ժամանակ, օրինակ՝ ֆուտբոլային հանդիպումների ու տարաբնույթ համերգների։
Հիշեցնենք, որ մայիսի 22-ի երեկոյան «Մանչեսթեր Արենա» համալիրում, որտեղ անցնում էր ամերիկացի երգչուհի Արիանա Գրանդեի համերգը, խոշոր ահաբեկչություն է տեղի ունեցել, որի հետևանքով զոհվել է 22, վիրավորվել 59 մարդ։
Կատարվածի պատասխանատվությունը ստանձնել է «Իսլամական պետությունը»։
Դուբայ, ԱՄԷ

Ֆրանսիա

Խորվաթիա

Բելֆաստ

Սանդերլենդ











