Դավթաշենի կամրջից ընկած երեխան 13-ամյա տղա է, որն ընկերոջ հետ խաղալիս է եղել. նոր մանրամասներ (լուսանկարներ)
19:50
Ականատեսների վկայությամբ՝ ընկնողը 13-ամյա տղա է, որն ընկերոջ հետ անցնելիս է եղել կամրջով, որտեղ խաղացել են, ինչի ընթացքում երեխան ընկել է: Դեպքի վայրում է նաև երեխայի ընկերը, ով մանրամասներ է պատմում դեպքից:
_________
Քիչ առաջ Երևանի Դավթաշենի կամրջից երեխա է ընկել և մահացել: Tert.am-ի թղթակցի փոխանցմամբ ականատեսները հայտնում են, որ երեխան ընկել է կամրջի վերին հատվածից:
Դեպքի վայր են ժամանել ԱԻՆ փրկարար ծառայության աշխատակիցները: Դեպքի վայրում են նաև դեպքում ծառայություն իրականացնող ոստիկանության ծառայողները:
5 րոպե առաջ դեպքի վայր են ժամանել շտապօգնության երկու բրիգադ:
Այս պահի դրությամբ երեխայի ինքնությունը, ընկնելու հանգամանքներն ու այլ մանրամասներ հայտնի չեն:
Տեղում աշխատող իրավապահներն ասում են, որ լրացուցիչ տեղեկություն կհայտնեն ավելի ուշ:
Ոստիկանության լրատվության և հասարակայնության հետ կապերի վարչությունից Tert.am-ին հայտնեցին, որ ահազանգ են ստացել, որ Դավթաշենի կամրջից երեխա է ընկել: Դեպքի վայր է մեկնել օպերատիվ խումբը: Հանգամանքները պարզվում են:















