ԱՄՆ նախկին պետքարտուղար Ջոն Քերին խորհուրդ է տվել ամերիկացի ուսանողներին ռուսերեն սովորել
ԱՄՆ նախկին պետքարտուղար Ջոն Քերին խորհուրդ է տվել ամերիկացի ուսանողներին ռուսերեն սովորել՝ իրենց երկրի իշխանության վրա ավելի մեծ ազդեցություն ունենալու նպատակով:
Ինչպես հայտնում է Politico պարբերականը, Քերին այդ թեմայով անգամ հատուկ ելույթ է ունենալու շուտով Հարվարդի համալսարանի ուսանողների առջև:
«Ինձ հաճախ են հարցնում, թե որն է իշխանության վրա իրական ազդեցություն ունենալու գաղտնիքը» , - խոստովանել է Քերրին, - «Առաջ ես կասեի, որ պետք է Հարվարդն ավարտել և պետական գործի անցնել, բայց ներկայիս կառավարության համատեքստում միանշանակ պետք է ռուսերեն սովորել»:
Հիշեցնենք, որ Ջոն Քերրին ԱՄՆ պետքարտուղարի պաշտոնն է զբաղեցրել երկրի նախկին նախագահ Բարաք Օբամայի օրոք:










