Եգիպտոսում գրոհայինները հարձակվել են քրիստոնյաների ավտոբուսի վրա, կան տասնյակ զոհեր

15:18 • 26.05.17

Եգիպտոսում գրոհայինները կրակ են բացել ղպտի քրիստոնյաների տեղափոխող ավտոբուսի վրա՝ սպանելով և վիրավորելով տասնյակ մարդկանց, գրում է BBC-ի ռուսական ծառայությունը:


Պետական ԶԼՄ-ները հայտնում են առնվազն 23 զոհի և 25 վիրավորի մասին:


Al-Yawm al-Sabi տեղեկատվական կայքը, վկայակոչելով բժշկական շրջանակում աղբյուրների, հայտնում է, որ հարձակման հետևանքով զոհվել է 24 մարդ, 16 մարդ վիրավորվել է:


Ղպտի քրիստոնյաների դեմ հարձակումը տեղի է ունեցել Կահիրեից 250 կիլոմետր հեռավորության վրա գտնվող Էլ-Մինյա շրջանում, երբ ավտոբուսն ուղևորվելիս է եղել տեղի վանքերից մեկը:


Ղպտիները վերջին շրջանում բազմիցս ենթարկվել են գրոհայինների հարձակումներին: Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը: