Բրիտանացի երգիչները Լոնդոնում հրդեհված շենքի բնակիչների համար բարեգործական երգ են թողարկել (ձայնագրություն)

Մեկ տասնյակից ավելի բրիտանացի երգիչներ, այդ թվում նաև Ռոբի Ուիլյամսը, Քրեյգ Դևիդն ու Ռիտա Օռան, բարեգործական երգ են թողարկել, որի վաճառքից ստացված գումարն ուղղվելու է օրեր առաջ Լոնդոնում հրդեհված Grenfell Tower բարձրահարկ շենքի բնակիչների աջակցության հիմնադրամին:

Ինչպես հայտնում է BBC-ն, սինգլի պրոդյուսերավորմամբ զբաղվել է հանրահայտ Սայմոն Քոուելը, որը, ի դեպ, ապրում է հրդեհված շենքի հարևանությամբ:

Հիշեցնենք, որ 24-հարկանի Grenfell Tower-ում բռնկված հրդեհից զոհվել է առնվազն 79 մարդ: Հարյուրավոր ընտանիքներ անօթևան են մնացել:

Հայտնի է, որ հրդեհը բռնկվել էր ցածր հարկերից մեկում՝ սառնարանի շարժիչի պայթյունի հետևանքով: