Եղանակն՝ այսօր
Սիրիայում ներկայացվել է Հալեպում պատերազմի մասին հայ հեղինակի գիրքը. ТАСС
Հայ գրող Լալա Մինասյան-Միսկարյանը ռուս լրագրողներին է ներկայացրել Հալեպի բնակիչների դժվարությունների մասին «Սիրիական օրագիր» անվանումով հայերեն գիրքը, գրում է ТАСС-ը:
«Ես գրել եմ քաղաքում պատերազմի առաջին օրվանից ինձ շրջապատող իրականության մասին, աշխարհը պետք է իմանա այն ցավի մասին, որը տարել են սովորական սիրիացիները, երբ Հալեպ մտան ահաբեկիչները»,- ասել է Մինասյան-Միսկարյանը:
Մահը բառացիորեն հեղինակից երկու քայլի վրա է եղել. մի անգամ ականն ընկել է Հալեպի հայկական թաղամասում գտնվող նրա բնակարանի վրա:
Նա նշել է, որ 200 էջից բաղկացած գիրքը հրատարակվել է Լիբանանում՝ 700 օրինակ տպաքանակով:
Հեղինակը նշել է, որ Հալեպի բնակիչները երախտապարտ են Սիրիայում ռուսական խմբավորման զինծառայողներին՝ քաղաքի ազատագրմանը նրանց ունեցած ներդրման համար։ Նա հավելել է, որ նրա հաջորդ գիրքը լինելու է քաղաքի վերականգնման մասին:
Studio One