Հոլիվուդի Փառքի ծառուղում կբացվի Ազնավուրի անվանական աստղը

11:15 • 23.06.17

Աշխարհահռչակ հայազգի շանսոնյե Շառլ Ազնավուրը հայտնվել է հանրահայտ արվեստագետների ցանկում, որոնք իրենց անվանական աստղն են ստանալու Հոլիվուդի Փառքի ծառուղում:

Ինչպես հայտնում է Asbarez-ը, այս մասին տեղեկացրել է Փառքի ծառուղու ընտրական հանձնաժողովը, որի նախագահ Վին Դի Բոնայի խոսքով՝ ի սկզբանե սեփական աստղը ստանալուն հավակնել են հարյուրավոր մարդիկ, սակայն հունիսին կայացած հանդիպման շրջանակում ընտրվել են մի քանիսը:

Նշվում է, որ Ազնավուրից բացի՝ իրենց անվանական աստղերը կունենան դերասանուհիներ Ջինա Լոլոբրիջիդան, Կիրսթեն Դանստը, Ջենիֆեր Լոուրենսը և այլ հայտնիներ:

Անվանական աստղերի բացման արարողությունը տեղի է ունենալու 2018թ.:

Աղբյուրը հիշեցնում է, որ նախորդ տարի 93-ամյա Ազնավուրն ԱՄՆ հայ համայնքի կողմից Փառքի ծառուղու անվանական հուշատախտակ էր ստացել՝ արվեստի ոլորտում ունեցած ահռելի ավանդի համար:

Նշենք, որ Ազնավուրն իր բեղուն կարիերայի ընթացքում գրել է 800-ից ավելի երգ ու ամբողջ աշխարհում վաճառել ավելի քան 180 մլն ձայնասկավառակ: Նրան հաճախ անվանում են «Ֆրանսիայի Ֆրենկ Սինատրա»:

Aznavour with his honorary Walk of Fame plaque last October with Senator Kevin de León