Իսպանիայում կարտաշիրիմեն Սալվադոր Դալիի մարմինը՝ հայրության մասին հայցի պատճառով

Մադրիդում դատարանը վճռել է արտաշիրիմել իսպանացի հանրահայտ նկարիչ Սալվադոր Դալիի (1904-1989) մարմինը՝ հայրության հաստատման նպատակով նմուշներ վերցնելու համար, հայտնում է BBC-ն՝ վկայակոչելով տեղական լրատվամիջոցներին:

Իսպանացի մի կին՝ Պիլար Աբելը, հայտարարել է, որ նկարիչն իր հայրն է: Նա նշել է, որ Դալին 1955 թվականին սիրային կապ է ունեցել մի աղախնի հետ:

Արտաշիրիմման մասին կարգադրություն տալով՝ դատավորը նշել է, որ առկա չեն նկարչի կենսաբանական մնացորդներ կամ անձնական իրեր, որոնք կարող էին օգտագործվել հայրության թեստի համար:

Սյուրռեալիստ հայտնի նկարիչը մահացել է Իսպանիայում 1989 թվականին: