Մահացել է շվեդ դերասան Միքայել Նյուկվիստը

Հիսունվեց տարեկանում կյանքից հեռացել է շվեդ դերասան Միքայել Նյուկվիստը, ով առավել հայտնի էր «Վիշապի դաջվածքով աղջիկը» ֆիլմից։ 

Ինչպես փոխանցում է lenta.ru-ն, դերասանը 1 տարի տառապել է թոքերի քաղցկեղից։

Դերասանը ծնվել է 1960թ.-ին Ստոկհոլմում։ Իր առաջին դերը Նյուկվիստը ստանձնել է «Kamraterna» հեռուստաֆիլմում 1982թ.-ին, սակայն նրան առավել մեծ հայտնիություն է բերել «Միլենիում» ֆիլմը։

Նումի Ռապասի հետ նա նկարահանվել է «Վիշապի դաջվածքով աղջիկը» և «Աղջիկը, որ պայթեցնում էր օդային ամրոցները» հայտնի ֆիլմերում։