Եղանակն՝ այսօր
Շայա ԼաԲաֆը ներողություն է խնդրել ոստիկաններից և խոստացել բուժվել ալկոհոլային կախվածությունից
Ամերիկացի դերասան Շայա ԼաԲաֆը ներողություն է խնդրել իրեն ձերբակալած ոստիկաններից և խոստացել բուժվել ալկոհոլային կախվածությունից: Այս մասին հայտնում է Reuters-ը:
Աղբյուրի հաղորդմամբ՝ անցած շաբաթ ԼաԲաֆը ձերբակալվել է ԱՄՆ-ի Ջորջիա նահանգի Սավանա քաղաքում՝ հասարակական վայրում հարբած վիճակում գտնվելու և հասարակական կարգը խախտելու համար: Ձերբակալության ժամանակ դերասանը վիրավորել է ոստիկանության աշխատակիցներին: Մի քանի ժամ անց նա ազատ է արձակվել:
Այնուհետև ԼաԲաֆը հայտնել է, որ ինքը շատ է ամաչում իր պահվածքի համար և ցանկանում է ներողություն խնդրել ոստիկանության ներկայացուցիչներից:
«Սա նոր ցածրագույն կետ է: Ցածրագույն կետ, որը, հուսով եմ, ավարտն է», - ասել է դերասանը:
ԼաԲաֆի խոսքով՝ ինքն ակտիվ միջոցներ է ձեռնարկում սթափությունն ապահովելու համար, և հուսով է, որ իրեն կներեն թույլ տված սխալների համար:
Հայտնի է, որ ավելի վաղ դերասանը նույնպես բուժվել է ալկոհոլային կախվածությունից։
Studio One