Կալիֆոռնիայում մահացել է Ֆրենկ Սինատրայի կինը (լուսանկարներ)

ԱՄՆ Կալիֆոռնիա նահանգում մահացել է 90-ամյա Բարբարա Սինատրան՝ լեգենդար երաժիշտ Ֆրենկ Սինատրայի 4-րդ ու վերջին կինը։

Ինչպես հաղորդում է CNN-ը, Բարբարան մահացել է ամուսնու մահից ուղիղ քսան տարի անց: Բարբարան ու Ֆրենկը ամուսնացել էին 1976-ին, և միասին ապրել շուրջ 22 տարի։ Զույգը սակայն այդպես էլ երեխաներ չի ունեցել։

Լրատվամիջոցը հայտնում է, որ Բարբարա Սինատրան հիմնել է երեխաների հանդեպ բռնության զոհերի պաշտպանության հիմնադրամ։