Forbes-ը հրապարակել է սպորտի և շոու բիզնեսի ոլորտում ՌԴ աստղերի վարկանշային աղյուսակը (լուսանկարներ)

Հեղինակավոր Forbes հանդեսի ռուսական խմբագրությունը հրապարակել է սպորտի և շոու բիզնեսի ոլորտում ռուսաստանցի աստղերի վարկանշային աղյուսակը, որը գլխավորել է տիտղոսակիր հոքեյիստ Ալեքսանդր Օվեչկինը:

Հաշվետու ժամանակահատվածում մարզիկի ունեցած եկամուտը գնահատվել է 14 մլն դոլար: Բացի այդ, ԶԼՄ-ների ու հեռուստաալիքների կողմից կտրուկ աճել է Օվեչկինի մասին հիշատակումների քանակը:

Երկրորդ հորիզոնականում է հայտնվել երգիչ Ֆիլիպ Կիրկորովը՝ 7.4 մլն դոլար ցուցանիշով, մինչդեռ լավագույն եռյակը եզրափակել է երգիչ Գրիգորի Լեպսը (6մլն դոլար):

Լավագույն տասնյակում են ներառվել ռեփեր Տիմատին, երգիչներ Դիմա Բիլանը, Եգոր Կրիդը, հեռուստահաղորդավորուհի Քսենիա Սոբչակը:

Ընդհանուր առմամբ, ցանկում ներառված է 50 մարդ:

Հիշեցնենք, որ նախորդ տարվա վարկանշային աղյուսակում առաջատարը թենիսիստուհի Մարիա Շարապովան էր, որն այս տարի գտնվում է 19-րդ հորիզոնականում:

Ալեքսանդր Օվեչկին

Ֆիլիպ Կիրկորով

Գրիգորի Լեպս

Տիմատի

Դիմա Բիլան

Եգոր Կրիդ

Քսենիա Սոբչակ