Բեն Աֆլեքը կրկին բուժվում է ալկոհոլային կախվածությունից

Հոլիվուդյան հայտնի դերասան Բեն Աֆլեքը կրկին խնդիրներ ունի. աստղը նորից բուժվում է ալկոհոլային կախվածությունից:

Ինչպես նշում է cosmo.ru-ն, Աֆլեքը դերասանուհի Ջենիֆեր Գարների հետ 12 տարի տևած ամուսնության ընթացքում կնոջ աջակցությամբ պայքարել է վնասակար սովորության դեմ, իսկ հիմա այդ հարցում նրան օգնում է նոր ընկերուհին՝ Լինդսի Շուկուսը:

Աստղին մոտ աղբյուրի փոխանցմամբ՝  Աֆլեքը քաջ գիտակցում է իր խնդիրն ու փորձում կենտրոնանալ դրա լուծման վրա: Դերասանն այցելել է մի քանի մասնագիտացված վերականգնողական կենտրոն, որտեղ ցանկանում է բուժվել:

Աղբյուրը հավելել է, որ Աֆլեքը բուժման կուրսը սկսել էր դեռևս աշնանը: Այն ժամանակ նա խնդրել էր նախկին կնոջն օգնել իրեն, ինչի արդյունքում Գարները նրա համար լավ կլինիկա էր գտել:

Նշենք, որ Աֆլեքն ու Գարները 3 երեխա ունեն: