Հենրիխ Մխիթարյանը ժամանել է Լոնդոն` Արսենալում բուժզննում անցնելու համար (տեսանյութ, լուսանկարներ)

Հայաստանի ազգային հավաքականի կիսապաշտպան Հենրիխ Մխիթարյանն Անգլիայի մայրաքաղաքում է, որտեղ հունվարի 21-ի և հունվարի 22-ի ընթացքում բուժզննում կանցնի «Արսենալ» տեղափոխության համար:

Մխիթարյանին «Sky Sports»-ի լրագող Բրայան Սվենսոնը նկատել է Լոնդոնի հյուրանոցներից մեկում: Մխիթարյանը ժպտացել է, երբ նրան հարցրել են «Արսենալ» տեղափոխության մասին: Հենրիխը դուրս է եկել հյուրանոցից գործակալ Մինո Ռայոլայի հետ:

Հունվարի 20-ին լոնդոնյան ակումբի ղեկավարությունը լուծել է տեղափոխության հետ կապված փաստաթղթային բոլոր հարցերը:

Ինչպես ավելի վաղ հաղորդվում էր, Մխիթարյանը կմիանա Արսեն Վենգերի թիմին, իսկ «Արսենալի» չիլիացի հարձակվող Ալեքսիս Սանչեսը կհամալրի «Մանչեսթեր Յունայթեդի» շարքերը: