Ինքնուս նկարիչը միլիոնավոր կետիկներ է դնում՝ ստեղծելով գեղեցիկ պատկերներ (լուսանկարներ, տեսանյութ)

Ֆրանսիական Ստրասբուրգի բնակիչ Դևիդ Բայոն, ինքնուս նկարիչ լինելով հանդերձ, ստեղծում է անհավանական սևուսպիտակ կտավներ, որոնցով կարելի է երկար զմայլվել:

Ինչպես նշում է Oddity Central-ը, տղամարդը հարյուրավոր ժամեր է ծախսում սպիտակ կտավին թանաքով կետիկներ անելու ու արդյունքում զարմանալի դիմանկարներ ստանալու համար:

Աղբյուրը նկատում է, որ Բայոյի իրական տաղանդն ու մասնագիտական հմտություններն իրապես գնահատելու համար հարկավոր է նրա աշխատանքները շատ մոտիկից ուսումնասիրել:

Բայոն մանրամասնել է, որ աշխատանքի սկզբում մատիտով նկարում է ուրվագիծը, հետո թանաքով արված միլիոնավոր կետիկներով «լցնում» պատկերը:

Ֆրանսիացու վերջին աշխատանքներից մեկը «Ասթրի» կոչվող կտավն է, որը ստեղծելու համար պահանջվել է 300 ժամ: Այն բաղկացած է ավելի քան 3 մլն կետիկից: