Մահացել է ԽՍՀՄ ժողովրդական արտիստ Օլեգ Տաբակովը

Մոսկվայում 82 տարեկանում կյանքից հեռացել է դերասան և ռեժիսոր, ԽՍՀՄ ժողովրդական արտիստ Օլեգ Տաբակովը:

Այս մասին հայտնում է «РИА Новости»-ն՝ հղում անելով «Տաբակերկա» թատրոնի մամուլի ծառայությանը:

Հիշեցնենք, որ 82-ամյա Տաբակովի ինքնազգացողության կտրուկ վատթարացման մասին տեղեկություն էր հայտնվել դեկտեմբերի 25-ին:

Ավելի վաղ՝ նոյեմբերի վերջին, նրան հոսպիտալացրել էին, ինչից հետո դերասանի մոտ արյան վարակ էր ախտորոշվել: Այն ժամանակ դերասանին միանգամից վիրահատել էին:

Հավելենք, որ Տաբակովը նկարահանվել է այնպիսի հայտնի ֆիլմերում, ինչպիսիք են «Պատերազմ և խաղաղություն», «Գարնան 17 ակնթարթ», «Տասներկու աթոռ», «Դ'Արտանյանն ու 3 հրացանակիրները», «Մոսկվան արցունքներին չի հավատում» և այլն: