Լիտվացի դիզայներները կերպարանափոխել են ռեստորանի զուգարանը՝ բազմաբնակարան շենքի տեսք տալով պատերին (լուսանկարներ)

Շատերի համար բաղնիքում կամ զուգարանում գտնվելը ձանձրալի է, ահա թե ինչու ոմանք պարտադիր իրենց հետ են վերցնում սմարթֆոններ կամ այլ սարքեր՝ ժամանակ սպանելու համար:

Լիտվայի Կաունաս քաղաքում գտնվող Galeria Urbana ռեստորանի այցելուները չեն բախվում այս խնդրին. հաստատության զուգարանի պատերը կարելի է զննել որպես արվեստի գործեր:

Bored Panda-ն գրում է, որ Galeria Urbana–ի սեփականատերերը խնդրել են դիզայներներին թարմացնել զուգարանի ինտերիերը՝ չհեռացնելով պատերի հին սալիկները:

Նշվում է, որ դիզայներները լուսանկարել են Կաունասի շենքերը, սթիքերներ պատրաստել այդ պատկերներով և փակցրել դրանք սալիկների վրա, ինչի շնորհիվ այժմ պատերը նմանվում են բազմաբնակարան շենքերի: