Կարո Եղնուկյանի ինքնազգացողությունը վատացել է, շտապօգնություն է հրավիրվել դատարան
Երևանի ընդհանուր իրավասության Ավան և Նոր Նորք նստավայրում շարունակվում է ՊՊԾ գունդը զավթելու մեջ մեղադրվողների գործով դատական նիստը: Գործով ամբաստանյալ Կարո Եղնուկյանին չեն տեղափոխել դատական նիստերի դահլիճ, նրա ինքնազգացողությունը վատացել է:
Այս մասին Tert.am-ի հետ զրույցում ասաց Կարո Եղնուկյանի շահերի պաշտպան Տիգրան Հայրապետյանը:
«Նրան պետք չի տեղափոխել դատարան, որովհետև այստեղ Կարո Եղնուկյանի ճնշումը բարձրանում է: Քրեակատարողական կենտրոնում նրա ճնշումը չի բարձրանում, իսկ դատարանում բազմիցս բարձրացել է: Նա նիստերի դահլիճ չտեղափոխվեց, և դատարան շտապօգնություն է հրավիրվել»,-ասաց փաստաբանը:
Փաստաբանն ասաց, որ դատարանը բազմիցս մերժել է Կարող Եղնուկյանին դատարան չտեղափոխելու միջնորդությունը. «Այսօր կրկին միջնորդություն եմ ներկայացնելու, որ կամ Կարո Եղնուկյանի մասով գործն անջատեն կամ գրավ կիրառեն»:
Նշենք, որ Կարո Եղնուկյանը մեղադրվում է ՀՀ ՔՕ-ի 38-219-րդ հոդվածի 3-րդ մասի 1-ին կետի և 38-218-րդ հոդվածի 3-րդ մասի 1-ի կետի հատկանիշներով:










