Վատիկանը հերքել է Հռոմի պապի՝ «դժոխքի գոյություն չունենալու» մասին խոսքերը

13:01 • 30.03.18

Մի շարք լրատվամիջոցներ տարածել են, թե Հռոմի պապն ասել է, որ դժոխք իրականում գոյություն չունի և որ դրախտին անարժան մարդկային հոգիները դժոխքում տվայտվելու փոխարեն ուղղակի անհետանում են:

Սակայն, ինչպես հայտնում է The Daily Mail-ը, Վատիկանն արագ անդրադարձել է այս տեղեկություններին՝ հերքելով դրանց իսկությունը: Վատիկանից հայտնել են, որ ապատեղեկատվությունը տարածել է աթեիստ լրագրող Էուջենիո Սկալֆարին՝ վերափոխելով Հռոմի պապի իրական խոսքերը:

Հայտնի է, որ 93-ամյա Սկալֆարին Հռոմի պապի հետ անցկացրած հարցազրույցի ժամանակ հետաքրքրվել է՝ ինչ է կատարվում մահից հետո չար հոգիների հետ:

«Նրանք չեն հայտնվում դժոխքում: Դժոխք չկա, մեղսավոր հոգիներն անհետանում են»,-հարցազրույցի տեքստում Հռոմի պապի խոսքը խեղաթյուրված ներկայացրել էր նա:

Վատիկանից հիշեցրել են, որ 2014թ. Ֆրանցիսկոս պապը մաֆիայի ներկայացուցիչների մասին խոսելիս հիշեցրել է դժոխքի գոյության մասին ու կոչ արել փոխել իրենց կյանքը:

 

 

Էուջենիո Սկալֆարի

 

But the Vatican quickly denied the apparent dramatic theological shift, accusing atheist reporter Eugenio Scalfari (pictured) of 'reconstructing' his words