Իսպանիայի ափերի մոտ մեկ օրվա ընթացքում հաջողվել է փրկել ավելի քան 900 ներգաղթյալի

17:40 • 16.06.18

Իսպանիայուոմ մեկ օրվա ընթացքում Ջիբրալթարի նեղուցի ու Միջերկրական ծովի ջրերում փրկվել է ավելի քան 900 ներգաղթյալ, այս մասին հաղորդում է Իսպանիայի փրկարար ծառայության թվիթերյան էջը։

Նշվում է, որ ուրբաթ օրվանից մինչ այս կեսօր փրկվել է 933 մարդ, կան նաև մահացածներ։

Ջիբրալթարի նեղուցում մահից փրկվել է 507 մարդ, որոնք փոխադրվելիս են եղել 59 լաստանավերով, 4 մարդ մահացել է։

Միջերկրական ծովով 9 լաստանավերով փոխադրվող ևս 426 ներգաղթյալի հաջողվել է փրկել։

Ներգաղթյալների քաղաքացիության ու ներկա վիճակի մասին տեղեկություններ չեն հաղորդվում։