Ինչպես հայկական և ադրբեջանական գյուղերը փոխանակվեցին բնակիչներով. BBC-ի անդրադարձը

23:28 • 16.06.18

BBC-ի ռուսական ծառայությունը հոդված է հրապարակել Հայաստանի և Ադրբեջանի երկու գյուղի մասին, որոնց բնակիչները ղարաբաղյան զինված հակամարտության ժամանակ փոխանակվել են բնակության վայրերով:

Ինչպես գրում է պարբերականը, 30 տարի առաջ Հայաստանի Ձյունաշող գյուղը բնակեցված է եղել ադրբեջանցիներով, իսկ Ադրբեջանում գտնվող Քերքենջը՝ հայերով: 1988-ի վերջին Հայաստանի բնակավայրերը, որտեղ ադրբեջանցիներ էին ապրում, և Ադրբեջանի գյուղերը, որտեղ հայեր էին բնակվում, դատարկվել են: Սակայն Ձյունաշողի (նախկին անվանումը՝ Ղզըլշաֆակ) և Քերքենջի բնակիչները տարհանման չեն ենթարկվել, քանի որ հեռու են գտվել խոշոր բնակավայրերից:

«Ղզըլշաֆակի բնակիչները չէին ցանկանում հեռանալ և փորձում էին ժամանակ շահել՝ դրսի աշխարհի հետ կապը պահելով հայ ծանոթների միջոցով, սակայն շուտով երկու գյուղի բնակիչներն էլ ստիպված էին համակերպվել իրականության հետ», - գրում է աղբյուրը:

Ղզըլշաֆակի սովխոզի նախագահ Բայրամ Ալազովը, տեղեկանալով Ադրբեջանում հայկական գյուղի գոյության մասին՝ մեկնել է այնտեղ քննարկելու բնակիչների փոխանակման հարցը:

«Մենք ստիպված էինք ցածր գնով վաճառել մեր ընտանի կենդանիներին Քերենջում և հեռանալ: Ադրբեջանցիներ համար ավելի հեշտ էր, նրանց հաջողվեց իրենց հետ անասուններին տանել Վրաստանում գտնվող ադրբեջանական գյուղ», - հիշում է տեղափոխված բնակիչներից Իշխան Ծատուրյանը:

Աղբյուրը նշում է, որ ներկա պահին երկու գյուղում էլ քիչ թվով մարդիկ են բնակվում, քանի որ բազմաթիվ ադրբեջանցիներ Քերենջից տեղափոխվել են Բաքու, իսկ հայերից շատերը մեկնել են Ձյունաշողից: