Մոսկվայի հյուրանոցներից մեկում հրդեհի հետևանքով տարհանվել է ավելի քան 50 մարդ. լրատվամիջոցներ

09:33 • 21.06.18

Մոսկվայի հյուրանոցներից մեկում  հրդեհ է բռնկվել, ինչի հետևանքով շենքից տարհանվել է շուրջ 50 մարդ, տեղեկացնում է gazeta.ru-ն՝ հղում անելով արտակարգ իրավիճակների ծառայությունների աղբյուրին։

Հայտնի է, որ տարհանվածներից 25-ը երեխաներ են։

«Հրդեհի օջախը գտնվել է Белые аллеи («Սպիտակ ծառուղիներ») հյուրանոցի մասնաշենքերից մեկում»,-փոխանցում է աղբյուրը։

Նշվում է նաև, որ միջադեպի հետևանքով ոչ ոք չի տուժել։ Ներկայում պարզվում են հրդեհի բռնկման պատճառները։