Վարչապետը կունենա մեկ նստավայր, Բաղրամյան 26-ի նստավայրը հետագայում կվերադարձնենք նախագահի աշխատակազմին. վարչապետ (տեսանյութ)

Այսօր կառավարության հերթական նիստին ՀՀ արդարդատության նախարար Արտակ Զեյնալյանը նեկայացրեց վարչապետի աշխատակազմի տեղակայման վայրը սահմանելու մասին որոշման նախագիծը:

Նա նշեց, որ հաշվի առնելով վերոշարադրյալը` անհրաժեշտություն է առաջացել մշակելու  «Վարչապետի աշխատակազմի տեղակայման վայրը սահմանելու մասին» Կառավարության որոշման նախագիծը, որում հստակ շարադրվել են տեղակայման վայրերը: Նախագիծը մշակելիս ուսումնասիրվել և հաշվի է առնվել «Վարչապետի աշխատակազմի կանոնադրությունը և կառուցվածքը հաստատելու մասին» վարչապետի որոշումը, որի 7-րդ կետում նշված է, որ աշխատակազմի գտնվելու վայրն է Հայաստանի Հանրապետություն, քաղ. Երևան, Մարշալ Բաղրամյան պողոտա 26 և Հանրապետության հրապարակ, Կառավարական տուն 1:

Արձագանքելով նախագծին՝ ՀՀ վարչապետ Նիկոլ Փաշինյանը նշեց, որ այս հարցը հանրային հետաքրքրություն է ներկայցնում: «Տվյալ որոշումը ընդունում ենք օրենքի պահանջը կատարելու համար: Ուզում եմ արձանագրել, որ  տարօրինակ իրավիճակում ենք, երբ վարչապետը 2 շենքում է տեղակայվում, տարօրինակ իրավիճակ է լինում, և մենք ամենևին չենք մոռացել, թե ինչն ենք քննադատել»,-ասաց նա և նշեց, որ կարծիքներ են հնչում, թե հայտնվել են կառավարությունում և մոռանում են, թե ինչ են քննադատել ժամանակին;

«Այն, ինչ քննադատել ենք, իրականություն կդարձնենք, և կարծում եմ, որ հարցերին ոչ թե աձնավորված մոտեցում պետք է ցուցաբերել այլ ինստիտուցիոնալ»,-ասաց նա և նշեց, որ ժամանակի ընթացքում Բաղրամյան 26-ի նստավայրը կվերադարձնեն նախագահի աշխատակազմին:

Նա նշեց, որ ներկայումս արարողակարգային խնդիր կա լուծելու, օրակարգային պարտականություններ կան, և քանի որ Սահմանադրությամբ վարչապետն է պետության ղեկավարը, օրակարգային որոշ հարցեր  կապված են շենքային պայմանների հետ, պետք է ուսումնասիրեն, թե ինչպես են այդ խնդիրը լուծելու:

«Ես փաստացի երկար ժամանակ աշխատում եմ կառավարության շենքում, չգիտեմ՝ որքանով այս դեպքում կարող ենք ասել երկար ժամանակ, բայց  դա նաև հարմար է, և հետագայում դա կառավարության որշումներով կարձանագրենք, վարչապետը կունենա 1 նստավայր»,-ասաց նա: