Եղանակն՝ այսօր
Կիանու Ռիվզը պատահաբար հայտնվել է իր երկրպագուի հարսանիքին ու լուսանկարվել նորապսակների հետ (լուսանկար)
Հոլիվուդյան դերասան Կիանու Ռիվզը պատահաբար հայտնվել է ամերիկացի զույգի հարսանիքին ու լուսանկարվել նորապսակների հետ: Համապատասխան լուսանկարները հրապարակվել են տարբեր սոցցանցերում:
Ինչպես նշում է abc7news.com-ը, դերասանը հաճույքով շփվել է զույգի հետ ու շնորհավորել նրանց ամուսնության կապակցությամբ:
Աղբյուրը մանրամասնում է, որ Ջարոդ Կամարան և Լեսլի Ուոքերը հարսանիք են արել ԱՄՆ-ի Կալիֆոռնիա նահանգի Սանտա Կրուզ քաղաքի հյուրանոցներից մեկում: Արարողությանը ներկա են եղել զույգի բարեկամներն ու ընկերները:
Նշվում է, որ փեսացուի մայրը նկատել է Ռիվզին հյուրանոցի բարում: նա մոտեցել է աստղին ու բացատրել, որ իր որդին նրա երկրպագուն է, այնուհետև հրավիրել Ռիվզին հարսանիքի՝ չակնկալելով, որ վերջինս կհամաձայնի:
Դերասանը համաձայնել է կարճ ժանանակով մասնակցել արարողությանը: Նա մտել է դահլիճ՝ զարմացնելով նորապսակներին ու նրանց հյուրերին:
«Մենք չէինք հավատում մեր աչքերին: Սկզբում նույնիսկ չհավատացինք, որ նա իսկական է: Կյանքում նա նույնքան զիլ ու միաժամանակ հանգիստ է», - կիսվել են նորապսակներն իրենց տպավորություններով:
Կիանու Ռիվզը շնորհավորել է զույգին ու լուսանկարվել նրանց հետ, ինչի շնորհիվ նորապսակները հայտնիություն են ձեռք բերել համացանցում:
Studio One