65 մլն դոլար. աբստրակցիոնիստ Չժաո Ուցզիի նկարը Հոնկոնգում կայացած աճուրդում վաճառվել է ռեկորդային գնով

Չինական ծագմամբ ֆրանսիացի աբստրակցիոնիստ Չժաո Ուցզիի նկարը Հոնկոնգում կայացած աճուրդում վաճառվել է ռեկորդային գնով՝ 65,2 մլն դոլարով: Այդ մասին հայտնում է Sotheby's աճուրդի տան կայքը:

Նշվում է, որ խոսքը 3 մասից բաղկացած «Հունիս-հոկտեմբեր-1985» աշխատանքի մասին է, որն իրենից ներկայացնում է արևմտյան աբստրակցիոնիզմը հիշեցնող նարնջա-մանուշակագույն բնապատկեր:

Առկա տեղեկության համաձայն՝ լոտի համար ստացված գումարը ռեկորդ է համարվում: Մինչ այս, Ասիայից նկարիչների յուղաներկով արված աշխատանքները երբեք աճուրդով նման գնով չեն վաճառվել:

Ավելի վաղ հաղորդվել էր, որ Sotheby's-ն աճուրդի է հանել իտալացի արվեստագետ Ամեդեո Մոդիլյանիի «Մերկ պառկածը» նկարը՝ 150 մլն դոլար մեկնարկային գնով:

#AuctionUpdate: ‘Juin-Octobre 1985’, the largest work by Franco-Chinese artist Zao Wou-Ki, sold for HK$510m / US$65m: world auction record for Zao Wou-Ki, world auction record for an oil painting by an Asian artist, most valuable painting sold by any auction house in #HongKong pic.twitter.com/wyEbE9zGYC

— Sotheby's (@Sothebys) September 30, 2018