Եղանակն՝ այսօր
ՀՀ-ի ու ՌԴ-ի միջև առևտրի համար մեզ չենք կարող թույլ տալ դոլար օգտագործել, այն այսօր տոքսիկ արժույթ է. ՌԴ նախագահի խորհրդականը՝ գազի գինը ռուբլով հաշվարկելու մասին
ՌԴ–ի նկատմամբ ամերիկյան ու եվրոպական պատժամիջոցների պայմաններում միանգամայն բնական է գազի գնի համար անցումը ռուբլուն. այս մասին այսօր լրագրողների հետ զրույցում հայտարարեց ՌԴ նախագահի խորհրդական Սերգեյ Գլազևը՝ պատասխանելով Tert.am-ի հարցին, թե ՀՀ նախկին կառավարությունները մշտպես դիմել են ՌԴ կառավարություններին, որպեսզի գազի գործարքի գինը հաշվվի ՌԴ ազգային արժույթով՝ ռուբլով:
«Շատ բնական ու հետևողականորեն երկար ժամանակ այս հարցը՝ ազգային արժույթներով հաշվարկին անցնելը, բարձրացվում է, և ՌԴ-ի դեմ կիրառվող ֆինանսական պատժամիջոցների պայմաններում, սա այսօր դարձել է միանգամայն գերակա: Մենք մեզ չենք կարող թույլ տալ մեր երկրների միջև գործարքային հաշվարկներում օգտագործել դոլարը, որովհետև այն այսօր դարձել է տոքսիկ արտարժույթ»,- հայտարարեց Սերգեյ Գլազևը:
Ավելին՝ նա ասում է, որ երկու երկրների միջև դոլարի գործածումը պայմանավորված է քաղաքական բարդություններով՝ հնարավոր հայցերով, առգրավումներով ու խափանումներով:
Հարցին, թե սա երբ է հնարավոր ու հնարավոր է արդյոք ՌԴ նախագահի խորհրդականը հավելեց, որ հնարավոր է այնքանով, որ ռուսական կողմը հետևողականորեն բարձրացնում է ազգային արժույթներով գործարքների հարցը: Սերգեյ Գլազևը նաև նշեց, որ պայմանագրի վերանայումը գործընկերների կամքով է պայմանավորված, քանի որ ռուբլին վերջին չորս տարիներին եղել է անկայուն: Ըստ որում՝ ոչ միայն արժույթի հարցը, այլ գնագոյացումը։
ՌԴ նախագահի խորհրդականի խոսքով՝ ԵԱՏՄ պատմության ողջ ընթացքում միտումն այն է, որ ռուբլին դառնում է այս միության շրջանակներում առևտրաշրջանառության գլխավոր միջոցը:
Նշենք, որ այսօր նա ասուլիսի էր եկել Ռուսաստանի հայերի միության նախագահ Արա Աբրահամյանի հետ: Նրանք Հայաստանում են Եվրասիական տնտեսական միության երրորդ ֆորումի շրջանակներում:
Արա Աբրահամյանն ափսոսանք հայտնեց, որ բիզես ֆորումին հայաստանյան բիզնեսը ներկայացված չէր, և կառավարության կողմից էլ առանհձնահատուկ հետաքրություն չկար:
«Եթե նկատել եք, եղել էր գովազդ, և ես կուզեի, որ շատ ավելի աջակցություն լիներ: Այսպես կասեի՝ ինչքան շատ լինեն նման ֆորումները, օրինակ՝ երեք միլիոն անգամ, այնքան լավ, ինչքան շատ լինեն նման ֆորումները, այնքան ավելի արդյունավետ կլինի»,-ասաց Արա Աբրահամյանը: Նրա խոսքով՝ միգուցե Եվրասիական տնտեսական միության ֆորումի նկատմամբ բավականաչափ հավատ չկա:
Studio One