Եղանակն՝ այսօր
Մոսկվայում հավանության են արժանացրել ճարտարապետ Կարո Հալաբյանի հուշարձանի կանգնեցման առաջարկը
Մոսկվայի քաղաքային դումայի պատգամավորներն այսօր կայացած նիստում հավանության են արժանացրել խորհրդային ճարտարապետ Կարո Հալաբյանի հուշարձանը մայրաքաղաքի Սոկոլ շրջանում կանգնեցնելու առաջարկը:
Այս մասին հայտնում է ТАСС գործակալությունը՝ նշելով, որ ԽՍՀՄ ճարտարապետների միության հիմնադիր, ԽՍՀՄ ճարտարապետների ակադեմիայի փոխնախագահ, Մոսկվայի գլխավոր ճարտարապետ Կարո Հալաբյանի հիշատակը հավերժացնելու առաջարկով ավելի վաղ հանդես էր եկել ՌԴ-ում ՀՀ արտակարգ և լիազոր դեսպան Վարդան Տողանյանը:
«Հուշարձանի կանգնեցման վայրը Սոկոլ շրջանն է, կանաչապատ տարածք է: Հուշարձանի ստեղծման և տեղադրման աշխատանքների ֆինանսավորումը կիրականացվի Հայաստանի Հանրապետության միջոցների հաշվին», - ասել է Մոսկվայի քաղաքային դումայի մշակույթի հարցերով հանձնաժողովի նախագահ Եվգենի Գերասիմովը:
Ըստ օրինագծի՝ ֆինանսավորման ընդհանուր ծավալը կկազմի 15 մլն ռուբլի:
Studio One