ԱՄՆ-ում մահացել է գրող, սցենարիստ Ուիլյամ Գոլդմանը

Հայտնի ամերիկացի գրող, սցենարիստ Ուիլյամ Գոլմանը մահացել է 87 տարեկան հասակում:

Ինչպես հայտնում է INTERFAX.RU-ն՝ հղում անելով ամերիկյան աղբյուրին, Գոլդմանը մահացել է թոքաբորբից հետո առաջացած բարդությունների և հաստ աղիքի քաղցկեղի պատճառով:

Նրա վախճանի մասին լուրը հաստատել է դրամատուրգի դուստրը՝ Ջենի Գոլդմանը: Գրողը մահացել է Մանհեթենի իր տանը:

Գոլդմանը երկու անգամ արժանացել է «Օսկար» մրցանակի «Բուչ Քեսիդի և Սանդենս Քիդ» և «Նախագահի ամբողջ թիկնազորը» ֆիլմերի սցենարների համար: