Գեղեցկուհի Այշվարիա Ռայը՝ բոլիվուդյան մրցանակաբաշխությանը (լուսանկարներ)

Հնդկաստանի Մումբայ քաղաքում տեղի է ունեցել Lux Golden Rose Awards մրցանակաբաշխությունը, որը Բոլիվուդի կարևորագույն իրադարձություններից է:

Ինչպես նշում է Daily Mail-ը, հնդկական կինոյի համար նման նշանակալի իրադարձությանը չէր կարող ներկա չլինել երկրի ամենասիրված ու համաշխարհային ճանաչում վայելող դերասանուհիներից մեկը՝ անկրկնելի Այշվարիա Ռայը:

Քառասունհինգամյա աստղը, որը տարիներ առաջ հաղթել էր գեղեցկության մրցույթում՝ ճանաչվելով մոլորակի գեղեցկագույն կին, հատուկ այս առիթով կրել է ալ կարմիր երեկոյան զգեստ: Աղբյուրը նկատում է, որ Ռայը միտումնավոր զարդեր չի կրել, որպեսզի կարմիր գորգին իր շքեղ զգեստն առավել ընդգծվի:

Բացի այդ, մրցանակաբաշխությանը ներկա են եղել հնդկական կինոյի այլ հայտնի դեմքեր, այդ թվում՝ Կարինա Կապուրը, Ալիա Բհաթը, Ջանհվի Կապուրը, այլք: