Շոն Փենը վավերագրական ֆիլմ է նկարահանում Խաշոգջիի սպանության մասին

Հոլիվուդյան հայտնի դերասան Շոն Փենը ժամանել է Թուրքիա ու հանդիպել նախագահ Ռեջեփ Թայիփ Էրդողանի օգնականի հետ, որպեսզի տեղեկանա սաուդցի ընդդիմադիր լրագրող Ջամալ Խաշոգջիի սկանդալային սպանության մանրամասներին:

Daily Mail-ը հիշեցնում է, որ լրագրողը սպանվել է Ստամբուլում Սաուդյան Արաբիայի հյուպատոսարանում, որտեղ մուտք էր գործել հոկտեմբերի 2-ին ու սպանվել ներսում սպասող հանցախմբի կողմից:

Էրդողանի օգնական Յասին Աքթայը պատմել է, որ կրկնակի «Օսկար»-ի առաջադրված աստղն իրենից հարցազրույց է վերցրել վավերագրական ֆիլմի համար:

Հայտնի է, որ Շոն Փենը նախատեսել է նաև հանդիպել Խաշոգջիի հարսնացուին:

Թուրքական լրատվամիջոցները տեղեկացրել են, որ Փենը նկարահանում է արել Ստամբուլում Սաուդյան Արաբիայի հյուպատոսարանի շենքի մոտ:

Օրերս ամերիկացի սենատորները Կենտրոնական հետախուզական վարչության ղեկավար Ջինա Հասփելի հետ հանդիպումից հետո հայտարարել են, որ Խաշոգջիի սպանության հետևում, անկասկած, կանգնած է թագաժառանգ արքայազն Մոհամադ բին Սալմանը, որին լրագրողը կենդանության օրոք շատ է քննադատել: