Forbes-ը հրապարակել է արված ներդրումների առումով իրենց ամենաշատն արդարացրած հոլիվուդյան դերասանների ցանկը (լուսանկարներ)

Ամերիկյան հայտնի Forbes ամսագիրը կազմել է արված ներդրումների առումով իրենց ամենաշատն արդարացրած հոլիվուդյան դերասանների վարկանշային աղյուսակը:

Առաջին տեղում «Վրիժառուներ. Անվերջության պատերազմ» (Avengers: Infinity War) ֆիլմի աստղ Ջերեմի Ռեներն է: Նա իրեն վճարված յուրաքանչյուր 1 դոլարի դիմաց 82,7 դոլար եկամուտ է բերել ֆիլմարտադրողներին:

Երկրորդ տեղում նույն ֆիլմում Բրյուս Բեներին մարմնավորած Մարկ Ռուֆալոն է՝ յուրաքանչյուր 1 դոլարի դիմաց 80,20 դոլար եկամուտով:

Երրորդ, չորրորդ և հինգերորդ տեղերում են հայտնվել, համապատասխանաբար, Էմի Ադամսը (69,90 դոլար), Գալ Գադոթը (60) և Քրիս Էվանսը (56,10):

Հատկանշական է, որ  «Մութ աշտարակը» (The Dark Tower) ֆիլմի դերասան Մեթյու ՄքՔոնախին վճարված յուրաքանչյուր դոլարի դիմաց ֆիլմարտադրողներին բերել է ընդամենը մեկ դոլար և մեկ ցենտ եկամուտ:

Ջերեմի Ռեներ




Մարկ Ռուֆալո




Էմի Ադամս